Ymwelodd Delyth Jewell, Aelod Senedd De Ddwyrain Cymru â Chanolfan y Glowyr Caerffili ddydd Gwener 19 Ionawr i ymweld â'n Hyb Cynnes. Cyfarfu â’r Gwirfoddolwr Ieuenctid Gwen sy’n dod bob dydd Gwener gyda’i mam i helpu gyda pharatoi gwaith crefft. Cafodd sgwrs gyda Glenn sydd wedi bod yn dod i’r Hyb Cynnes ers iddo agor ym mis Hydref 2022. Mae wedi ei helpu gyda’i daith o ynysu cymdeithasol i ymuno â grŵp caffi Dydd Iau'r Dynion a gwneud cais i fod yn athro. Mae Glenn yn gobeithio defnyddio ei radd celf i helpu gyda'r dosbarth celf ar ôl ysgol yn y ganolfan ac mae'n edrych ymlaen at hyn. Siaradodd Delyth hefyd â’r Gwirfoddolwyr-Digi – John B, John J, Irena, ac Adam – a’r Gwirfoddolwyr Caffi Ann a Ruth. Aeth i mewn i'r sesiwn Aros a Chwarae dan arweiniad Bobby a Kath. Galwodd mewn hefyd ar gwrs cymorth cyntaf CMGG a siarad ag Ann Lewis (Ymddiriedolwr a Stiward Dydd Gwener) a Katherine Hughes (Cadeirydd). 

Mae Canolfan y Glowyr Caerffili yn wirioneddol falch o’i hyb cymunedol sy’n darparu mannau agored a hygyrch a gwasanaethau y mae ein cymuned leol eu heisiau a’u hangen. Yn ogystal â’r Hyb Cynnes ar ddydd Gwener rydym yn darparu gweithgareddau lles drwy gydol yr wythnos, cyfleoedd hyfforddi a gwirfoddoli a chaffi cymunedol. Hyfryd oedd croesawu Delyth i’n canolfan a gobeithio y daw hi eto. 

Dywedodd Delyth Jewell MS: 

“Mae bob amser yn bleser ymweld â Chanolfan y Glowyr Caerffili, a dydd Gwener diwethaf ymwelais â'u hyb cynnes. Mae Katherine a'r staff a'r gwirfoddolwyr anhygoel yn glod i'r gymuned. Cefais fy ngeni yn y Glowyr pan oedd yn ysbyty, felly rwyf bob amser wrth fy modd yn ymweld â'r ganolfan: mae'n berl i'r gymuned gyfan. Roeddwn yn teimlo’n freintiedig i siarad â chymaint o bobl sy’n elwa o’r hwb, a chael clywed yn uniongyrchol pa wahaniaeth y mae’r ganolfan yn ei wneud i fywydau pobl. Mae pwysigrwydd cael gofod cynnes, croesawgar lle gall pobl ymgynnull a siarad yn hynod arwyddocaol wrth frwydro yn erbyn unigrwydd ac unigedd. Roedd y straeon a glywais ddydd Gwener yn ysbrydoledig, a mwynheais y sgyrsiau a gefais yn fawr. Roedd hefyd yn bleser ymweld â rhai o’r grwpiau oedd yn cyfarfod yn y ganolfan – am le gwych.”